تازہ خبریں

گلگت بلتستان کے عوام کو بنیادی آئینی اور جمہوری حقوق کی فراہمی کے لیے آزادکشمیر طرز کا نظام دیا جائے،مرکزی مجلس شوریٰ جماعت اسلامی آزادجموں وکشمیر گلگت بلتستان

mazameen

یوم یکجہتی کشمیر پس منظر …اور تقاضے

چیئرمین پبلک اکائونٹس کمیٹی قانون ساز اسمبلی آزادکشمیر 1990 ء میں بھارتی ریاستی دہشت گردی کے ستائے ہوئے ہزاروں کشمیری نوجوان بھارتی مظالم کی داستانوں کے ساتھ آزاد کشمیر وارد ہوئے تو ان کی بڑی امیدیں اور توقعات تھیں

مزید پڑھیں

کل جماعتی کشمیر کانفرنس اور آئندہ کا لائحہ عمل

جماعت اسلامی آزاد جموں وکشمیرکے زیراہتمام پلوامہ دھماکے اور پاکستان پر بھارت جارحیت کے حوالے سے کل جماعتی کشمیرکانفرنس کا انعقاد کیاگیاہے،کانفرنس میں صدر ریاست سمیت آزاد کشمیرکی سیاسی اور مذہبی جماعتوں کے قائدین کے ساتھ

مزید پڑھیں

جماعت اسلامی آزاد جموں وکشمیر کا 45واں یوم تاسیں اور وثرن

جماعت اسلامی آزاد جموں کشمیرگلگت بلتستان کا قیام 13جولائی 1974 ء کو عمل میں آیا،اپنی تاسیس سے لے کراب تک جماعت اسلامی نے اسلامی نظام کے قیام ،عوامی خدمت اور تحریک آزادی کشمیرکو منزل سے ہمکنارکرنے کے لیے جوکارہائے نمایان سرانجام دیے وہ تاریخ کے درخشندہ اور شاندار باب ہیں۔

مزید پڑھیں

جماعت اسلامی آزاد جموں وکشمیرکا سیاسی سفرکل اور آج

جماعت اسلامی آزاد جموں کشمیرگلگت بلتستان کا قیام 13جولائی 1974 ء کو عمل میں آیا،اپنی تاسیس سے لے کرآج تک جماعت اسلامی نے اسلامی نظام کے قیام ،عوامی خدمت اور تحریک آزادی کشمیرکو منزل سے ہمکنارکرنے کے لیے جوبھرپور کردار ادا کیا وہ تاریخ کا درخشاں

مزید پڑھیں

5جنوری … یوم حق خودارادیت اور اس کے تقاضے

پاکستانی اور ہندوستانی مندوبین کے موقف کی تفصیلی سماعت کے بعدمسئلہ کشمیر کے حوالے سے اقوام متحدہ کے کمیشن نے 5جنوری 1949ء کو مسئلہ کشمیر پر اپنی جامع قرارداد منظور کی جسے ہندوستان اور پاکستان نے اتفاق رائے سے قبول کیا ۔اس قرار داد کی رو سے دونوں ممالک کو پابند کیاگیا

مزید پڑھیں

library

تازہ ترین

تفصیلات: جمعرات, 26 نومبر 2020

کشمیر کی آزادی کا لائحہ عمل اسلام آباد نہیں مظفرآباد سے سامنے لایا جائے:عبدالرشید ترابی

پاکستان اور آزادکشمیر کی قومی سیاسی جماعتیں مودی کے اقدامات کے تدارک کے لیے کوئی موثر لائحہ عمل بنانے میں ناکام رہیں کشمیریوں کو اپنی آزادی کے لیے خود کردار اداکرنا ہو گا مظفرآباد: کنونیئر کل جماعتی کشمیر رابطہ کونسل صدر ملی یکجہتی کونسل و چیئرمین پبلک اکاؤنٹس کمیٹی عبدالرشید ترابی نے کہا ہے کہ پاکستان اور کشمیر کی قومی سیاسی جماعتیں اور حکومت 5اگست 2019ء مودی کے اقدامات کے تدار ک کے لیے کوئی موثر لائحہ عمل بنانے میں ناکام رہی ہیں،دنیا کی توجہ حاصل کرنے اور آزادی کی منزل تک پہنچنے کے لیے کشمیریوں کو خود کردار ادا کرنا ہو گا،یہ لمحہ فکریہ ہے کہ بارہا توجہ کے باوجودکوئی اجتماعی پروگرام نہ بن سکا مظفرآبادمیں ایک لاکھ لوگ جمع کرنا تھے یا لاکھوں لوگوں کو سیز فائر لائن کی طرف مارچ کروانا تھا جو نہ ہوسکا،پاور پالیٹکس کے روایتی کلچر سے بالا تر ہو کر تحریک آزادی کشمیر کو ترجیح اول بنایا جائے،کشمیر کی آزادی کا لائحہ عمل اسلام آباد سے نہیں مظفرآباد سامنے آنا چاہیے،ان خیالات کااظہار انہوں نے گزشتہ روز اسمبلی اجلاس سے خطاب اورمیڈیا سے گفتگو کرتے ہوئے کیا،انہوں نے کہا کہ پاکستان اور آزادکشمیر میں پارٹیوں کی سطح پر جو بھی پروگرامات منعقد ہو رہے ہیں اس میں مسئلہ کشمیر کہیں نہیں ہے تمام پارٹیاں اپنی اپنی تقاریب میں مسئلہ کشمیر کو زیر بحث لائیں،ایک دوسرے پر الزامات کی بجائے کشمیرکی آزادی کا ایجنڈا دیا جائے بیس کیمپ ہمارے پاس بہت بڑا اثاثہ ہے اس کو برؤے کار لایا جائے،دنیا میں آزادی کی تحریکوں کو اس طرح کا بیس کیمپ میسر نہیں ہے جو تحریک آزادی کشمیر کو میسر ہے ہم اس بیس کیمپ کو حقیقی بیس کیمپ بنا کرآزادی کی منزل حاصل کرسکتے ہیں،انہوں نے کہاکہ تمام جماعتوں نے مشاورت کر کے وزیر اعظم آزادکشمیر کو یہ مینڈیٹ دیاتھا کہ وہ کشمیرکی آزادی کے لیے لائحہ عمل اور سرگرمی دیں لیکن ابھی تک نہ کوئی لائحہ عمل سامنے آیا اور نہ ہی کوئی بڑی سرگرمی ہو سکی یہ کشمیری قیادت کی اجتماعی ذمہ داری ہے کہ وہ کشمیر کی آزادی کے لیے اپنا کردار ادا کریں،اس موقع پر عبدالرشید ترابی نے عالمی محاذپر تارکین وطن کی کوششوں اور کاوشوں کو خراج تحسین پیش کیا عبدالرشید ترابی نے کہاکہ عالمی محاذ پر کشمیریوں کے پاس ایک بڑی قوت تارکین وطن کی صورت میں موجود ہے جو بھرپو ر انداز سے عالمی سطح پر مسئلہ کشمیر کو اجاگرکررہے ہیں ان کوششوں اور کاوشوں کو مربوط کرنے کی ضرورت ہے انہوں نے کہاکہ آزادکشمیر کی قیادت باہم متحداور متفق ہو کر کشمیرکی آزادی کا لائحہ عمل دے گی تو ہم اس قابل ہوں گے کہ پاکستان کی قومی جماعتوں اور حکومت کو بھی اس لائحہ عمل پر جمع کرسکیں پاکستان کے اندر جو حالات ہیں وہ تشویشناک ہیں ان حالات میں قیادت کی ذمہ داری ہے دوچند ہوجاتی ہے کہ وہ آگے بڑھ کر بھرپور کردار ادا کرے انہوں نے کہا کہ کشمیر کی تحریک سے بے وفائی کرنے والوں کا انجام بڑا بھیانک ہوا ہے۔