اقوام متحدہ کی قراردادوں کی روشنی میں حق خوداریت کا حصول ہی مسئلہ کشمیر کا بنیادی اور دیر پاحل ہے ، جماعت اسلامی آزاد جموں وکشمیرکی مرکزی شوریٰ کی قرارداد

تازہ خبریں

گلگت بلتستان کے عوام کو بنیادی آئینی اور جمہوری حقوق کی فراہمی کے لیے آزادکشمیر طرز کا نظام دیا جائے،مرکزی مجلس شوریٰ جماعت اسلامی آزادجموں وکشمیر گلگت بلتستان

مہاجرین 1990ء تحریک آزادی کشمیر کا حصہ ہیں انہیں منتقل کرنے کی بجائے آزادکشمیر میں آباد کیا جائے:عبدالرشید ترابی

الیکشن کمیشن آزادکشمیر ووٹر فہرستوں میں بے ضابطگیوں کی اصلاح کے لیے تاریخ میں مزید توسیع کرے،حمد تنویر انور خان

جماعت اسلامی نے امیدواران فائنل کر لیے ہیں ناموں کا اعلان چند دنوں میں کردیا جائے گا،ڈاکٹر خالد محمود خان

عبدالرشید ترابی نے دینی مدارس اور مساجدکے حوالے سے علماء کرام کے تحفظات سے وزیر اعظم راجہ فاروق حیدر کو آگاہ کیا

وقف املاک ایکٹ کو بنیادی انسانی حقوقاورخلاف نظریہ پاکستان قرار دیتے ہوئے مسترد کردیا،ڈاکٹر خالد محمود خان

جماعت اسلامی آمدہ انتخابات میں پوری قوت کے ساتھ حصہ لے گی، ڈاکٹر خالد محمود خان

حکومت کورونا وائرس کے باعث مسائل کا شکار عوام کے لیے ریلیف پیکیج کا اعلان کرے:جماعت اسلامی کی قرارداد

پاکستان کے 22کروڑ عوام کشمیریوں کے پشتیبان ہیں،سراج الحق

دینی مدارس اسلام کے قلعے ہیں لاکھوں لوگوں کے سینوں میں قرآن کا محفوظ ہونا معجزہ ہے،ڈاکٹر خالد محمود خان

mazameen

یوم یکجہتی کشمیر پس منظر …اور تقاضے

چیئرمین پبلک اکائونٹس کمیٹی قانون ساز اسمبلی آزادکشمیر 1990 ء میں بھارتی ریاستی دہشت گردی کے ستائے ہوئے ہزاروں کشمیری نوجوان بھارتی مظالم کی داستانوں کے ساتھ آزاد کشمیر وارد ہوئے تو ان کی بڑی امیدیں اور توقعات تھیں

مزید پڑھیں

کل جماعتی کشمیر کانفرنس اور آئندہ کا لائحہ عمل

جماعت اسلامی آزاد جموں وکشمیرکے زیراہتمام پلوامہ دھماکے اور پاکستان پر بھارت جارحیت کے حوالے سے کل جماعتی کشمیرکانفرنس کا انعقاد کیاگیاہے،کانفرنس میں صدر ریاست سمیت آزاد کشمیرکی سیاسی اور مذہبی جماعتوں کے قائدین کے ساتھ

مزید پڑھیں

جماعت اسلامی آزاد جموں وکشمیر کا 45واں یوم تاسیں اور وثرن

جماعت اسلامی آزاد جموں کشمیرگلگت بلتستان کا قیام 13جولائی 1974 ء کو عمل میں آیا،اپنی تاسیس سے لے کراب تک جماعت اسلامی نے اسلامی نظام کے قیام ،عوامی خدمت اور تحریک آزادی کشمیرکو منزل سے ہمکنارکرنے کے لیے جوکارہائے نمایان سرانجام دیے وہ تاریخ کے درخشندہ اور شاندار باب ہیں۔

مزید پڑھیں

جماعت اسلامی آزاد جموں وکشمیرکا سیاسی سفرکل اور آج

جماعت اسلامی آزاد جموں کشمیرگلگت بلتستان کا قیام 13جولائی 1974 ء کو عمل میں آیا،اپنی تاسیس سے لے کرآج تک جماعت اسلامی نے اسلامی نظام کے قیام ،عوامی خدمت اور تحریک آزادی کشمیرکو منزل سے ہمکنارکرنے کے لیے جوبھرپور کردار ادا کیا وہ تاریخ کا درخشاں

مزید پڑھیں

5جنوری … یوم حق خودارادیت اور اس کے تقاضے

پاکستانی اور ہندوستانی مندوبین کے موقف کی تفصیلی سماعت کے بعدمسئلہ کشمیر کے حوالے سے اقوام متحدہ کے کمیشن نے 5جنوری 1949ء کو مسئلہ کشمیر پر اپنی جامع قرارداد منظور کی جسے ہندوستان اور پاکستان نے اتفاق رائے سے قبول کیا ۔اس قرار داد کی رو سے دونوں ممالک کو پابند کیاگیا

مزید پڑھیں

library

تفصیلات: بدھ, 10 فروری 2016

اقوام متحدہ کی قراردادوں کی روشنی میں حق خوداریت کا حصول ہی مسئلہ کشمیر کا بنیادی اور دیر پاحل ہے ، جماعت اسلامی آزاد جموں وکشمیرکی مرکزی شوریٰ کی قرارداد

اسلام آباد( پ ر)جماعت اسلامی آزاد جموں وکشمیر کی مرکزی مجلس شوریٰ کا یہ اجلاس کشمیریوں سے یکجہتی کے لیے میاں نوازشریف کا مظفر آباد میں اسمبلی اور کونسل سے خطاب کو خوش کن قراردیتاہے مگر بھارتی وزیر اعظم نریندر مودی کے پر اسرار دورے پر شدید تشویش کا اظہا رکرتا ہے جس کا نہ ایجنڈا طے ہوااور نہ کوئی اعلامیہ جاری ہوا اور جس کے نتیجے میں تحریک آزادی کشمیر اور پاکستان کی سلامتی کے حوالے سے ایسے موقع پر شکوک و شبہات کی فضا پیدا کر دی گئی ہے ۔جبکہ مقبوضہ ریاست جمو ں و کشمیرمیں انسانی حقوق کی پامالی اور ریاستی دہشت گردی کے حوالہ سے بھارت زبردست بین الاقوامی دباؤ میں آچکا تھااورہر بین الاقوامی فورم میں حالات نے اسے کٹہرے میں کھڑا کر دیا تھا،اجلاس کے نزدیک بھارتی قیادت نے اس دباؤ سے نکلنے سلامتی کونسل کی رکنیت کے حصول کے لئے پاکستان کی طرف سے متوقع مزاحمت تحلیل کرنے ،وسطی ایشیاء تک راہداری حاصل کرنے اور بین الاقومی سطح پر اپنی استبدادی شبہہ درست کرنے کے لئے مذاکرات کا ڈول ڈالا ہے اور ایک مرتبہ پھر دو طرفہ جامع مذکرات کا نام دیکر آٹھ نکاتی ایجنڈامیں کشمیر کو سرفہرست رکھنے کی بجائے بالکل آخری ترجیح میں رکھا گیا ہے ۔مجلس شورٰیٰ کا یہ اجلاس یہ واضح کرنا چاہتا ہے کہ مسئلہ کشمیر محض دو طرفہ مسئلہ نہیں ہے بلکہ یہ ایک بین الاقوامی مسئلہ ہے ۔اقوام متحدہ کی قراردادوں کی روشنی میں حق خوداریت کا حصول ہی مسئلہ کا بنیادی اور دیر پاحل ہے۔ اس لئے حکومت مذاکرات میں بنیادی مسئلہ کی حیثیت سے مسئلہ کشمیر کو زیر بحث لائے اور اس پر اسس کے حوالے سے حریت کانفرنس اور کشمیری قیادت کو اعتماد میں لیا جائے اور قوم اور پارلیمنٹ کو بھی حالیہ مذاکرت کی تفصیلات سے آگاہ کیا جائے ۔اجلاس یہ سمجھتا ہے کہ باہمی مذاکرات کو بامقصد اور نتیجہ خیز بنانے اور اس پراسس کی ساکھ قائم کرنے کے لئے مقبوضہ ریاست جمو ں و کشمیرکی آبادیوں سے فوجی انخلاء،کالے قوانین کی واپسی سید علی گیلانی اوردیگر قائدین حریت کی مسلسل حراست کا خاتمہ ان کے نقل و حرکت اور عوامی رابطہ کے حق کی بحالی اور ہزاروں بے گناہ جوسالہا سال سے بھارتی جیلوں میں محبوس ہیں، کو رہائی کے عمل سے مشروط کیا جائے۔مقبوضہ کشمیر میں دریائے سندھ اور اس کے معاون دریاؤں پر وولر ڈیم سمیت کئی ڈیم اور آبی منصوبوں کے ذریعہ پاکستان کے حصہ کے پانی میں رکاوٹیں پیداکردیں ہیں۔ بھارت کی آبی دہشت گردی پاکستان کے لیے سب سے بڑا مسئلہ ہے۔ لہٰذا بھارت کی آبی دہشت گردی مذاکرات اہم نکتہ ہوناچاہیے لیکن افسوس کہ حکومت پاکستان نے بھارتی آبی دہشت گردی پر مجرمانہ خاموشی اختیار کررکھی ہے۔ اجلاس حکومت پاکستان سے مطالبہ کرتا ہے کہ مسئلہ کشمیر کے حوالے سے گزشتہ عرصہ میں وزیر اعظم پاکستان اور چیف آف آرمی سٹاف نے جس طرح ملکی اور بین الاقوامی اداروں میں پاکستان کے قومی موقف کو واضح طور پر اجاگر کیا یہ حکمت عملی برقرار رکھی جائے اور مقبوضہ ریاست میں بھارتی ریاستی دہشت گردی کو رکوانے کے لئے دوست ممالک کے ذریعہ دو طرفہ سطح پربھی بھر پور سفارتی مہم جاری رکھی جائے ۔مرکز مجلس شوریٰ کا یہ اجلاس ایک مرتبہ پھر اہل کشمیر کو یقین دلاتا ہے کہ ان کے بنیادی حق کے حصول تک جماعت اسلامی ان کے شانہ بشانہ ہیں۔ اقوام متحدہ ،OICاور دیگر بین الاقوامی اداروں سے اپیل کرتا ہے کہ مقبوضہ ریاست میں بھارتی ریاستی دہشت گردی کے عمل کو ختم کرنے اور کشمیریوں کے حق خوداردیت کے لئے ہونے والی جدوجہد کی بھر پور تائید ومعاونت کریں ۔

hadees

احادیث: حضرت انس ؓ سے روایت ہے\' نبی کریم ﷺ نے فرمایا: \"مشرکوں سے اپنے مالوں\' اپنی جانوں اور زبانوں کے ساتھ جہاد کرو۔\"(اسے امام ابوداود نے صحیح سند کے ساتھ روایت کیا ہے۔)